السلامــ عليكمــ ورحمه الله تعالى وغفرانه ورضوانه
مشكور يا استاذ بيبو ع الموضوع الجميل جدااا .. هايل بجد .. وانا عندى الجرأة وان شاء الله اجاوب على جميع الاسئلة المطروحة ..
< 1> - صــف نفســـك بكلمتيـــن فقـــط..!
طماااع جدااا .. وعطوف جداا جدااا.
< 2> -مــاهــو الشــئ الذي ندمــت علــي عمـلــــه؟
انى ذاكرت ودخلت كلية الهندسة .. وانا مكنتش عايزها .. بس داخلها ع شان افرح ابويا وامى .. بحجه انى ابقى مهندس .ز ع شان كان نفسهم ابقى مهندس .
< 3> -كـلمـــة تمنيـــــت ان تسـتطيـــع سحـبهــــا؟!؟
الكلمة اللى كان نفسى اسحبها لما قولتها .. انى شتمت اعز اصدقائى فـ موقف هايف جدااا .. وفـ الاخر عرفت انه كان واقف فـ صفى ونا كنت فاكره ضدى .. بس لما عرفت الحقيقة وكده .. ندمت انى هزقته .. ومبقتش عارف ابص فـ وشه
< 4> -آخـــر شخـــص تتـــذكــــره قبـــل أن تنـــــام؟!؟
يعنى هو الشخص ده عزيز وغالى عليا اوى وبحبه جدااا وهو كمان بيحبنى .. وهو من قرايبى يعنى .. ( بنت عمتى ) .. يخرب بيت الكسوف بقى ههههههههههههههههه .
< 5> -جــريمــة تتمنـــي لـــو تستطيـــع ارتكابهــــا؟!؟
الجريمة الى نفسى اعملها هيا انى انتقم من واحد معايا فـ الكلية .
< 6> -حمــامة زاجـــل حاملـــة رســالة لــك,,,من من تتمنـــي ان تكــوون؟!؟
من نفس الشخص اللى قولت عليه برضو .. ( بنت عمتى ) .
< 7> -شخـــص لطــالما حـــلمـــت بــــه؟!؟
كان نفسى يكون ليا اعز صديق يفضل معايا طول العمر .. والحمد لله لقيته .. صديقى من ايام المدرسة .. ومعايا الان فـ الجامعه .. وبحبه جدااا جدااا وهو كمان بيحبنى جدااا جدااا .
< 8> -دمـعـــه انـذرفــــت رغـمــاً عنـــك؟!؟
كنت بتفرج ع التلفزيون .. على برنامج دينى .. وكان فـ متصل على التليفون بيتصل بالبرنامج .. وكان المتصل ده ست بتعيط على اللى بيعملوا فيها ابنها .. وحاجات تزعــل جداا .. لدرجة ان المذيع عيط .. وانا كمان عيط بشدة جدااا .. والله لدرجة كل ما افتكر الموقف ده عنايا بدمع
< 9> -مـوقـــف صــدمــك ولــن تنســــاه؟!؟
فـ مرة كنت ماشى فـ الشارع انا واصحابى بعد المدرسة لما كنت فـ ثانوى .. وبعدين كنا بنهزر وبنضحك وكده .. فجاة سمعنا صوت فرامل عربية جامده .. روحنا نجرى نشوف ايه اللى حصل .. لقينا واحد صاحبنا معانا فـ المدرسة .. دسته العربية .. وكان منظر بشع جداا جدااا واعدت اعيط عليه كتير جداا .. وبجد الموقف ده مش هنساه طول عمرى .
<10> -شـخــص تتمنــي الإنتقــام منـــه؟!؟
ايون .. فـ فعلا شخص اتمنى الانتقام منه . وده يبقى واحد معايا فـ الكلية .. بس انا مستنى لما يحين وقت الانتقام .
<11> -شــئ او عمــل لا تستطيــع مســامحته؟!؟
فـ حاجه كده حصلت معايا ومقدرش اسامح اللى عاملها ابدا .. الحاجه دى هيا .. لما كنت فـ الجامعه قبل الامتحانات .. والدكتور طلب من المجموعه بتاعتنا انها تعمل بحث معين .. وبعد ما عملت البحث .. جيت تانى يوم بقول لصحابى خد ودى البحث بتاعى معاك .. والدكتور كان قايلنا اللى مش هيقدم البحث هياخد صفر فـ اعمال السنة .. وفعلا صاحبى مقدمش البحث بتاعى وراح قدم بتاعه .. وقالى ان البحث بتاعك وقع منى ومش عارف ايه وحور عليا .. وبعديها تانى يوم الدكتور كان حاطط الدرجات بتاعت اعمال السنة وانا مخدتهاش بسبب صاحبى .... (( مع ان المفروض الدكتور يسيب مدة اكبر من كده )) .
<12> -شــئ او شخــص غيــّر مجــري حياتـــك؟!؟
الشخص الى غير مجرى حياتى ده هى بنت عمتى .. لانى بحبها بجد .. ومن كتر ما بحبها وبتحبنى .. خلتنى كمان احب المذاكرة بتاعتى .. واجتهد فـ الثانوية العامة .. واجيب مجموع دخلى هندسة .. اللى مكنتش عاوز اخشها اصلا ههههههههههه .
وشكرا لكمـــ ،،